Ажилтан өглөө утсаа нээхэд найзуудынхаа пост, компанийнхаа мэдэгдэл, өнөөдөр хийх ажил нь нэг feed-д харагдана. Ресторан захиалгаа, зочид буудал өрөөний захиалгаа, нийлүүлэгч бараагаа энэ сүлжээгээр шууд хүлээж авна. Харин байгууллагын өгөгдөл нийгмийн сүлжээнээс тусдаа, өөрийн хананы цаана хамгаалагдсан хэвээр үлдэнэ.
Эхний модуль болох кемп удирдлага 10-р сарын 10-наас бодит байгууллага дээр ажиллаж байна.
Ажилчид мэдээгээ чат группт солилцдог. Менежер тоогоо Excel-д нэмдэг. Нягтлан өөр программтай. Хэн юу захиалсан, хэн баталсныг олох гэж чатаа гүйлгээд өнгөрөх өдөр цөөнгүй. Мэдээлэл байгаа ч хоорондоо холбогддоггүй.
Үйлчлүүлэгчийн талд ч ялгаагүй. Хоол захиалах нэг апп, такси дуудах өөр апп, зочид буудал захиалах бас нэг сайт. Тэдгээр нь бизнесийн дотоод системтэй холбогддоггүй тул ресторан ирсэн захиалгаа дахин гараар оруулж, мах нь дууссаныг нийлүүлэгчдээ утсаар хэлдэг.
Хүмүүс өдрийнхөө ихэнх цагийг нийгмийн сүлжээнд өнгөрөөдөг. Тэгвэл ажил, үйлчилгээ, худалдаа ч тэнд байх нь зүйн хэрэг гэж бид бодсон. Гагцхүү нэг нөхцөлтэй: хэн юу харж болохыг маш тодорхой зааглах ёстой.
Ажилчид ERP-д дургүй. Учир нь тэр нь тусдаа, хүнд, хүчээр оногдсон программ байдаг. Бид ажлыг хүмүүсийн өдөр бүр дуртайяа нээдэг газарт нь, нийгмийн сүлжээнд нь аваачна. Засварын хүсэлт нээх нь пост бичихтэй адил хялбар байх ёстой.
Манай байгууллагууд мэдээллээ хэт нууцалдаг. Цэс, үнэ, сул орон тоо, үйлчилгээний цаг хүртэл олдохгүй. Цалин, санхүү, хувийн хэрэг нууц хэвээрээ үлдэнэ. Харин нийгэмд хэрэгтэй мэдээлэл сүлжээнд ил, хүртээмжтэй болно.
Бизнес, ажилтан, үйлчлүүлэгч, нийлүүлэгч нэг сүлжээнд байх үед мэдээлэл гараар дамжихаа больж, захиалга, ажил, худалдаа өөрөө урсдаг болно. Бид жижиг программ хийж байгаа юм биш. Монголд бизнес хэрхэн ажилладгийг өөрчлөхийг зорьж байна.
Ажилтанд бүх зүйл нэг урсгалаар харагдана. Гэхдээ пост бүр өөр газраас ирж, өөр дүрмээр хамгаалагддаг. Хэрэглэгч үүнийг анзаарах ч үгүй. Харин систем хэзээ ч мартдаггүй.
Ажилтны утсан дээр
Нийтийн сүлжээ
Шинэ ресторан нээгдлээ, хуушуур нь үнэхээр амттай!
Хоол захиалахТанай байгууллага
Маргааш 09:00 цагт галын дасгал болно. Бүх ээлж оролцоно.
ТанилцсанERP ажил
Б блок, 214 тоот өрөөнд ус гоожиж байна. Танд оноогдлоо.
Ажлыг эхлүүлэхЦаана нь
Хувь хүний пост, найзууд, нийтэд нээлттэй бизнесийн хуудас. Байгууллагын дотоод өгөгдөл рүү нэвтрэх эрхгүй.
Зөвхөн тухайн байгууллагын ажилтнуудад. Байгууллага бүрийн өгөгдөл өгөгдлийн сангийн түвшинд тусгаарлагдана.
Пост биш, ажил. Албан тушаалын эрхээр шүүгдэж, товч дарах бүрд сервер эрхийг дахин шалгана.
Нийгмийн сүлжээ ба байгууллагын хооронд ганцхан нарийн гүүр бий. Тэр нь ажилтны холболт. Түүгээр дамжих зүйл цөөн бөгөөд урьдчилан тодорхойлогдсон.
Хүн бүр нийгмийн сүлжээнд өөрийн хувийн аккаунттай. Тэр нь ямар ч байгууллагаас хамааралгүй, зөвхөн түүнийх.
Байгууллага ажилтны бүртгэлээс урилга илгээнэ. Хүн өөрөө зөвшөөрсөн үед л аккаунт ба ажилтны бүртгэл холбогдоно.
Feed-д дотоод мэдээ гарч эхэлнэ. Албан тушаалд нь зөвшөөрсөн ажлуудыг сүлжээнээсээ шууд хийж болно.
Ажлаас гарахад холболт хаагдаж, дотоод бүх зүйл тэр дор нь алга болно. Хувийн аккаунт, найзууд нь хэвээрээ үлдэнэ.
Салбар бүрт систем хэрхэн харагдахыг урьдчилан зурлаа. Бүгд концепц загвар бөгөөд нэр, тоо, үнэ нь зохиомол.
Нэгдсэн feedЗагвар
Найзын пост, байгууллагын мэдэгдэл, танд оноогдсон ажил нэг урсгалд. Эх үүсвэр бүр өөрийн тэмдэгтэй.
Ажилтны урилгаЗагвар
Хувийн аккаунтаа байгууллагатай холбохын өмнө юу нээгдэж, юу хэзээ ч харагдахгүйг тодорхой харуулна.
Ресторан: хоол захиалахЗагвар
Найзын постоос орж ирээд шууд захиална. Захиалга рестораны ERP-д буух ба апп татах шаардлагагүй.
ХүргэлтЗагвар
Хоол хаана явааг, хүргэгч хэн болохыг бодит хугацаанд харна.
Такси дуудахЗагвар
Хаанаас, хаашаа гэдгээ сонгоод нэг товчоор дуудна.
Зочид буудалЗагвар
Өрөө, үнэ, үлдэгдлийг хараад шууд захиална. Захиалга буудлын өрөөний төлөвт тэр дор нь орно.
Амралтын газарЗагвар
Багц, сул өдрүүд, байгууллагын арга хэмжээний үнийн санал.
Цаг захиалгаЗагвар
Үйлчилгээ, мастер, сул цагаа сонгоно. Салоны хуваарь автоматаар шинэчлэгдэнэ.
ДэлгүүрЗагвар
Шинэ бараа feed-д пост болж гарах ба үлдэгдэл нь агуулахаас шууд харагдана.
Кемп: өрөөний самбарЗагвар
Блок бүрийн өрөө, сул ор, засвар, өнөөдрийн хоолны тоо нэг дэлгэцэнд.
Ресторан: гал тогоо ба нөөцЗагвар
Сүлжээнээс ирсэн захиалга гал тогоонд очиж, мах дуусахад гэрээт нийлүүлэгч рүү автоматаар захиалга илгээгдэнэ.
Үйлдвэрлэл: материалын хүсэлтЗагвар
Хүсэлт төсөвт багтаж буйг, агуулахад байгааг шалгаж, дутууг худалдан авалт руу шилжүүлнэ.
Бид кемпээс эхэлсэн. Учир нь хамгийн хүнд нөхцөлд, алслагдсан газар, гурван хэлтэй багтай туршихыг хүссэн. Харин цөм нь салбараас хамаардаггүй: хэрэглэгч, эрх, байгууллага, feed, захиалга. Салбар бүрт зөвхөн өөрийн модуль нэмэгдэнэ.
Feed-д: өдрийн цэс, ХАБ-ын мэдэгдэл, засварын хүсэлт
ERP-д: өрөө, хөрөнгө, хоолны тоо, гэрээт байгууллагын зардал
Feed-д: цэс, өдрийн санал, нэг товчоор хоол захиалах
ERP-д: захиалгын дараалал, гал тогоо, түүхий эдийн нөөц
Feed-д: захиалга өгөх, хүргэлт хаана явааг харах
ERP-д: хүргэгч, маршрут, тооцоо
Feed-д: Uber шиг нэг товчоор такси дуудах
ERP-д: машин, жолоочийн ээлж, орлого
Feed-д: өрөө үзэж, шууд захиалах
ERP-д: өрөөний төлөв, цэвэрлэгээ, төлбөр
Feed-д: амралтын багц, сул өдрүүд, захиалга
ERP-д: байр, хоол, нэмэлт үйлчилгээ
Feed-д: салон, эмнэлэг, засварын газрын сул цаг сонгох
ERP-д: ажилтны хуваарь, үйлчилгээний түүх
Feed-д: шинэ бараа, урамшуулал, захиалга
ERP-д: агуулах, борлуулалт, нийлүүлэгч
Feed-д: ээлжийн мэдээ, аюулгүй ажиллагааны сануулга
ERP-д: материалын хүсэлт, төсөв, агуулах
Хүн ресторанаас хоол захиалахад тэр захиалга шууд рестораны ERP-д орно. Цааш нь хэлхээ өөрөө үргэлжилнэ. Бидний хамгийн их хүлээж буй хэсэг бол энэ.
Найзынхаа постоос рестораныг олоод нэг товчоор хоол захиална. Шинэ апп татах шаардлагагүй.
Захиалга гал тогоонд очиж, зарцуулсан мах, ногоо агуулахаас автоматаар хасагдана.
Мах доод хэмжээндээ хүрмэгц гэрээт махны нийлүүлэгч рүү худалдан авалтын захиалга үүснэ.
Нийлүүлэгчийн ERP-д борлуулалтын захиалга болж буух ба хоёр байгууллагын бусад өгөгдөлд хэн ч хүрэхгүй.
Хүн ба бизнес
Бизнес хооронд
Худалдааны хэсэг төлөвлөгөөнд байна. Түүний суурь болох захиалга, агуулах, төсөв, гэрээ одоо хөгжиж байна.
Монголд хүн бүр аль хэдийн нийгмийн сүлжээнд байна. Харин бизнесүүдийн дийлэнх нь жижиг бөгөөд өнөөдрийн ERP тэдэнд хэт үнэтэй, хэт хүнд.
Ажиллаж буй байгууллагуудын 86.7% нь 1–9 ажилтантай. Тэдэнд үнэтэй ERP авч, нэвтрүүлэх боломж бараг байхгүй. Бидний бодлоор хамгийн том боломж яг энд байна: үнэгүй эхэлж, ажилчид нь аль хэдийн байдаг сүлжээнд ажлаа хийх.
Нөгөө талд үйлчлүүлэгчид бий. Хүмүүс хоол, такси, зочид буудал, цаг захиалгад тусдаа апп ашигладаг. Тэдгээрийг бизнесийн дотоод системтэй шууд холбосон нэгдсэн сүлжээ одоогоор алга.
≈115 мянга гэсэн тоог ҮСХ-ны бүртгэлтэй хуулийн этгээдийн тоо болон хэвийн үйл ажиллагаатай хувиас бид тооцоолсон.
Ямар ч байгууллага үнэгүй эхэлж болно. Сурталчилгаагүй, тайван орчин хүсвэл төлбөртэй хувилбарт шилжинэ. Өгөгдлөө өөрийн серверт байлгах шаардлагатай бол тусдаа суулгалт.
Төлбөргүй
Жижиг бизнес, эхлэн хэрэглэгч
Төлбөртэй
Ажилчдынхаа анхаарлыг үнэлдэг байгууллага
Өөрийн серверт
Өгөгдлөө өөрийн мэдэлд байлгах байгууллага
Үнийн дэлгэрэнгүйг пилотын үр дүнгийн дараа зарлана. Сурталчилгааг байгууллагын дотоод өгөгдөлд тулгуурлан тааруулахгүй.
Бодит хэрэглээнээс эхэлж, давхарга давхаргаар өргөжиж байна. Төлөв бүрийг байгаагаар нь бичлээ.
Цөм
Олон байгууллага нэг системд ажиллана. Тус бүрийн өгөгдөл PostgreSQL Row-Level Security-ээр тусгаарлагдаж, байгууллага бүр өөрийн хаягтай.
JWT сесс, олон удаа буруу оролдсон бүртгэлийг түр түгжих хамгаалалт. Монгол, англи, хятад хэл.
Утасны дугаараар нэвтрэх, ажилтны бүртгэлээс урилга илгээх, албан тушаалыг эрхийн загвар болгох, ажлаас гарахад өрөө, эрхийг автоматаар чөлөөлөх.
Салбарын модулиуд
Өрөө ба байршуулалт, хөрөнгө, засварын хүсэлт. Засварыг катеринг эхлүүлж, кемп менежер батална.
Хоолны захиалга, хүн-өдрийн тооцоо, бохир ус ба хог, гэрээний үнээр зардлын тайлан.
Материалын хүсэлт хэлтсийн төсөв, агуулахын нөөцтэй нэг гүйлгээнд холбогдоно. Нөөц дутвал байгааг нь хадгалж, дутууг тэмдэглэнэ.
Хоол, өрөө, цаг захиалах, такси дуудах, байгууллага хоорондын гэрээт нийлүүлэлт.
Сүлжээ
Ажилчдын пост, ХАБ ба катерингийн мэдэгдэл, өдрийн цэс, ажлын мэдэгдэл.
Хувийн аккаунт, найзууд, бизнесийн нийтийн хуудас, ажилтны бүртгэлтэй холбох.
Хувь хүн хооронд болон байгууллагын дотоод чат.
Backend, frontend, өгөгдлийн сангийн migration, байршуулах скрипт, баримт бичиг бүгд нэг monorepo-д байдаг. Нэг өөрчлөлт бүх давхаргыг хамтдаа дамжиж, нэг tag-аар хувилбар гардаг.
Хэрэглэгч
Вэб хөтөч, утас. Гурван хэл.
Cloudflare
TLS шифрлэлт, халдлагаас хамгаалах давхарга, Tunnel. Сервер дотогш порт нээдэггүй.
Гарц (Caddy)
Зөвхөн нэвтрэлт ба аппын API-г нэвтрүүлнэ. Бусад бүх зам хаалттай.
Core kernel (NestJS)
PostgreSQL
Row-Level Security: байгууллага бүр зөвхөн өөрийн мөрийг харна.
Redis
Кэш, хүсэлтийн хязгаарлалт.
Supabase Auth
Нэвтрэлт, JWT, бүртгэлийн түгжээ.
s-project/
├─ apps/core-kernel NestJS API, Prisma схем
├─ packages/ React вэб апп, хуваалцдаг код
├─ supabase/migrations SQL migration, RLS бодлого
├─ deploy/ суулгах, нөөцлөх, шинэчлэх скрипт
└─ docs/ ADR, roadmap, runbookХүмүүс хувийн амьдралаа, байгууллагууд өгөгдлөө бидэнд даатгаж байгаа бол энэ хоёр хэзээ ч холилдохгүй гэдгийг баталгаатай болгох ёстой. Тиймээс тусгаарлалтыг эхний мөрнөөс нь бичсэн.
Шүүлтүүрийг програм биш, PostgreSQL өөрөө тавьдаг. Кодонд алдаа гарсан ч өөр байгууллагын мөр буцаж ирэхгүй. Томоохон байгууллагад тусдаа өгөгдлийн сан, тусдаа сервер.
Нийгмийн сүлжээ байгууллагын хүснэгт рүү шууд хандах эрхгүй байхаар бүтээж байна. Холбоос нь зөвхөн ажилтны холболт, үйлдэл бүрийг сервер дахин шалгана.
Олон удаа буруу нууц үг оруулсан бүртгэл түр түгжигдэнэ. Сесс нь богино хугацаатай JWT.
Албан тушаал нь эрхийн загвар. Хүн бүрт нэмэлт эрх тусад нь өгнө. Дэлгэц дээр товч харагдсан ч сервер эрхийг заавал шалгана.
Нэг гарцаар зөвхөн нэвтрэлт ба аппын API гарна. Өгөгдлийн сан, удирдлагын API гаднаас хаалттай.
Хатуу Content-Security-Policy, HSTS. Гадны аналитик, трэкер байхгүй. Энэ хуудас ч мөн адил.
Өдөр бүр AES-256-аар шифрлэсэн нөөц. Шинэчлэл бүрийн өмнө автоматаар нэмэлт нөөц авна.
Хувилбар бүр эхлээд staging дээр туршигдана. Tag-тай, буцаах зааврын хамт гарна.
Байгууллагын дотоод сүлжээ эсвэл өөрийн серверт байршуулж болно. Интернэтгүй хувилбар v0.3-т.
Бид хурдан хөгжүүлдэг, гэхдээ бодит хэрэглэгчийн дэргэд. Пилот эхэлснээс хойш гурван өдөрт гурван хувилбар гарсан.
v0.1
Нэвтрэлт, байгууллагын тусгаарлалт, Prisma, monorepo. Худалдан авалт, төсөв, агуулахын туршилтын модулиуд.
v0.1.5 10/08
Байгууллага бүрт тусдаа схем үүсгэхээс татгалзаж, RLS-ийг сонгосон. Томоохон байгууллагад тусдаа сервер санал болгоно.
v0.1.6 10/10
Кемп модуль бодит байгууллага дээр, бодит өгөгдөлтэй ажиллаж эхэлсэн. Яаралтай засваруудыг тусдаа release салбараар гаргасан.
v0.2.0 10/11
Монгол, англи, хятад. Пилотын баг холимог тул эхнээсээ хэрэгтэй болсон.
v0.2.1 10/12
Нууц үг таах оролдлогоос хамгаалах түгжээ, нийлүүлэлтийн гинжний сайжруулалт. Staging дээр туршаад пилотыг шинэчилсэн.
10/13
Cloudflare Tunnel-д шилжсэн. Сервер интернэт рүү нэг ч порт нээлгүйгээр нийтэд гарсан.
v0.2.2
Одоо хийж байгаа. Утасны дугаараар нэвтрэх, урилгын линк, ажлаас гарах урсгал. Нийгмийн сүлжээний холболтын суурь.
v0.3
Гадаад сүлжээнээс бүрэн тусгаарлагдсан орчинд ажиллах.
Цаашид
Дотоод feed, нийтийн нийгмийн сүлжээ, захиалга, байгууллага хоорондын худалдаа.
Архитектурын томоохон сонголт бүрийг ADR баримтад шалтгаантай нь үлдээдэг.
Засварласан алдаа бүрийн шалтгаан, шийдлийг lessons learned-д тэмдэглэдэг.
Нөөц, staging, tag, шинэчлэл. Алдаа гарвал буцаах заавар бэлэн.
Пилотын санал хүсэлт дараагийн хувилбарын төлөвлөгөөнд шууд ордог.
Ойролцоо хугацаа. Пилотын санал хүсэлтээр өөрчлөгдөж болно.
2026 Q4
Утасны дугаараар нэвтрэх, урилга, хоолны захиалга, зардлын тайлан.
2027 Q1
Байгууллагын дотоод сүлжээ, v0.3 offline суулгалт.
2027 Q2
Хувийн аккаунт, найзууд, бизнесийн хуудас, ажилтны холболт.
2027 Q3
Ресторан, зочид буудал, амралтын газар, цаг захиалга.
2027 Q4
Такси, хүргэлт, гэрээт нийлүүлэлт, автомат худалдан авалт.
Монголд ажилладаг хүн өдөрт хэдэн апп нээдэг вэ? Ээлжийн хуваариа асуух, хоолоо захиалах, такси дуудах, амралтын өдрийн байраа хайх. Бид тэр бүгдийг нэг аккаунт, нэг feed-д багтаахыг хүсэж байна.
Бизнесийн хувьд ч мөн адил. Үйлчлүүлэгч нь, ажилтан нь, нийлүүлэгч нь аль хэдийн нэг сүлжээнд байгаа бол захиалга, ажил, худалдаа хоорондоо холбоотой урсаж эхэлнэ. Гараар дахин оруулах зүйл үлдэхгүй.
ERP модулиуд, ажилтны бүртгэл, дотоод feed. Одоо бид энэ шатанд байна.
Нийтийн нийгмийн сүлжээ, хувийн аккаунтыг ажилтны бүртгэлтэй холбох.
Хоол, өрөө, цаг захиалга, хүргэлт, такси сүлжээн дотроос.
Гэрээт нийлүүлэлт, нөөц дуусахад автоматаар худалдан авах.
gobiverse.website дээр байгууллага бүр өөрийн хаягтай. Байршуулах хэлбэрийг шаардлагаар нь сонгоно.
Хамгийн хурдан эхлэх. Байгууллагууд RLS-ээр тусгаарлагдана.
Өгөгдлийн сан, нөөц, шинэчлэл тусдаа.
Оффис эсвэл кемпийн сүлжээн дотор, гадагш зөвхөн Tunnel-ээр.
Бүрэн тусгаарлагдсан орчин. v0.3-т.
Байхгүй. Feed зөвхөн дэлгэц дээр нийлдэг. Пост бүр өөрийн эх үүсвэрээс, тухайн хүний эрхээр шүүгдэж ирнэ. Дотоод пост нийтийн сүлжээний өгөгдөлд хадгалагдахгүй байхаар бид бүтээж байна.
Холболт хаагдана. Дотоод мэдээ, ажлууд тэр дороо харагдахаа болино. Хувийн аккаунт, найзууд, пост нь хэвээр үлдэнэ. Ажилтны түүх байгууллагад үлдэнэ. Дахин ажилд орвол шинэ бүртгэл үүснэ.
Цөм нь салбараас хамаардаггүй. Эхний бодит хэрэгжилт нь кемп. Дараагийнх нь ресторан, хүргэлт, такси, зочид буудал, амралтын газар, цаг захиалга, дэлгүүр, үйлдвэрлэл.
Болно. Хамтын үүлээс эхлээд тусдаа сервер, дотоод сүлжээ хүртэл сонголттой. Интернэтгүй хувилбар v0.3-т гарна.
Монгол, англи, хятад. Хэрэглэгч бүр өөрөө сонгоно.
Кемп модуль нэг байгууллага дээр пилот хэлбэрээр ажиллаж байна. Тэдний санал хүсэлтээр дараагийн хувилбарууд гарч байна.
Танай байгууллага эрт нэгдэж, системийг хамтдаа хөгжүүлэхийг хүсвэл бичээрэй. Салбар, ажилтны тоо, одоо ашиглаж буй системээ товч дурдвал бид хурдан хариу өгнө.
Пилотод нэгдэх хүсэлт илгээхТөслийн дэлгэрэнгүй танилцуулга, техникийн баримт бичиг, хамтын ажиллагааны боломжийн талаар ярилцахад нээлттэй.
Танилцуулга хүсэх